2022 jyldyń 1 qarashasyndaǵy jaǵdaı boıynsha elordanyń 187 530 turǵyny 13 mlrd teńgege tegin dári-dármekpen qamtyldy.
«Onyń ishinde MÁMS júıesinde dári-dármekpen qamtylǵan balalar: jiti respıratorlyq ınfeksııamen – joǵarǵy tynys joldarynyń aýrýlary boıynsha – 2 107 bala jáne tómengi tynys joldarynyń aýrýlary boıynsha – 6 136 bala; temirjetispeýshiligi anemııasymen - 972 bala; pnevmonııamen 1583 bala; sınýsıtpen/badamsha bezi (mındalın) jáne adenoıd aýrýlarymen 444 bala, t.b.», dep túsindirdi ÁMSQ elorda fılıalynyń dırektory N.Qabdyqaparov.
Ambýlatorııalyq qamtamasyz etý buıryǵyna sáıkes, emhana dárihanalarynda MÁMS júıesinde tegin beriletin barlyq (antıbıotıkter, ystyq túsiretin preparattar, temirquramdy preparattar, sondaı-aq basqa da spesefıkalyq preparattar jáne t.b.) qajetti dáriler bar.
