Bolashaq úshin daýys berdi

2022 jyldyń 20 qarashasy elimizdiń jańa tarıhyna mańyzdy, tarıhı kún retinde enetini sózsiz. Halyq óz bola­shaǵy úshin daýys berdi. Qaza­q­­standyq saılaýshylar belsendi ári talapshyl bola bas­tady. Olar ózderiniń saılaý quqyqtaryn is júzinde belsendi túrde júzege asyrýǵa daıyn.

Saılaýdyń ereksheligi – aza­mattardyń óz problemalary týraly málimdep qana qoımaı, mem­leketpen tolyqqandy ná­tı­jeli dıalog­ke túsýge degen senimi men daıyndyǵy. Jańa­dan saılanǵan memleket basshysy saıası reformalar­dy jalǵastyrý kerektigin, áıtpese toqyraý bolatynyn aıtty. Jyl sońynda Pre­zıdent parla­menttik saılaý merzimderi týraly arnaıy málimdeme ja­saıdy. Osy­laısha, eldegi demo­kratııalyq refor­malar­dyń ke­zekti jalǵasy al­daǵy par­la­ment­­tik saılaýǵa tikeleı baı- l­a­nysty.

Konstıtýsııalyq reformaǵa sáıkes, Qazaqstan azamattary Pre­zıdent pen Parlamentten basqa túrli deńgeıdegi ákimderdi, más­lıhattardy saılaýǵa tıis. Áleý­mettik saýaldamalarǵa degen suranys kandıdattar ta­­ra­­pynan da, qoǵam tarapynan da odan ári arta túspek. Saı­­laýshylardyń kóńil kúıin zert­teý, saılaýshylardyń minez-qul­qyn boljaýdaǵy dál­dik, saılaý kúnindegi saýaldamalardy damyta túsken durys. Búginde áleýmettanýshylardyń aldynda birneshe ózekti mindet tur. Saılaýshylardyń tańdaýy men minez-qulqynyń jańa túsindirme modelderin, zertteý ádisteriniń ózin, sonyń ishin­­de respondentterdiń shy­naıy­­lyǵyn anyqtaý ádis­terin ázirleý, sondaı-aq áleý­met­tanýlyq zertteýlerge senimdi arttyrý qajet.

Zarema ShÁÝKENOVA,

Ulttyq ǵylym akademııasynyń vıse-prezıdenti, UǴA akademıgi