Máskeý-Qaraǵandy reısin tekserý kezinde kóshi-qon qyzmeti qalalyq áýejaıda 34 jastaǵy er adamdy ustady. Tekserý barysynda ustalǵan azamattyń qos azamattyǵy bar ekeni anyqtaldy. Biri qazaq, ekinshisi Reseı Federasııasynyń azamaty.
«Quqyq buzýshyǵa qatysty kólik polısııasynyń qyzmetkerleri QR ÁQBtK-niń 496-babynyń 2-bóligimen «Shetel azamattyǵyn alý faktisin Qazaqstan Respýblıkasynyń zańnamasynda belgilengen merzimde habarlamaý» boıynsha ákimshilik hattama toltyrdy», dep habarlady polısııa basqarmasynyń baspasóz qyzmeti
Qaraǵandy oblysy Buqar jyraý aýdandyq sotynyń qaýlysymen Reseı azamaty 428 820 teńge kóleminde ákimshilik aıyppul túrindegi jaýapkershilikke tartyldy.
Vedomstvonyń málimetinshe, bıylǵy jyldyń basynan beri Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin 1136 azamat ákimshilik jaýapkershilikke tartylǵan. Onyń ishinde qos azamattyǵy bar 53 azamat bar.
194 sheteldik Qazaqstannan shyǵaryldy. Olardyń barlyǵyna 5 jyl merzimge elge kirýge tyıym salynǵan.
