Saıası qýǵyn-súrgin jáne asharshylyq qurbandaryn eske alý kúnine arnalǵan sharalarǵa qatysýshylarǵa

Qazaqstanda 31 mamyrda meniń 1997 jylǵy Jarlyǵymmen bekitilgen Saıası qýǵyn-súrgin jáne asharshylyq qurbandaryn eske alý kúni atalyp kele jatqanyna 17 jyl boldy. Bizdiń barsha halqymyz úshin bul kún erekshe tarıhı mánge ıe. HH ǵasyrdyń 30-40-jyldaryndaǵy jappaı saıası qýǵyn-súrgin mıllıondaǵan adamǵa qaıǵy-qasiret ákeldi. Qazaq halqynyń kórnekti perzentteri – Shákárim Qudaıberdıev, Ah­met Baıtursynov, Sáken Seıfýllın, Maǵjan Jumabaev, Beıimbet Maı­lın já­ne basqa da kóptegen sańlaqtarymyz qýǵyn-súrgin qurbandary boldy. Qatal totalıtarlyq júıeniń barlyq aýyrtpalyǵyn qazaq halqymen birge jer aýdarylǵan 1,5 mıllıon nemis, polıak, koreı, cheshen, túrik, grek jáne basqa da halyqtar ókilderi kóterdi. Zulmat zamanǵa qaramastan, barynan aıyrylǵan jandar bizdiń jerimizden jańa baspana taýyp, jan jylýyna, túsinistik pen qamqorlyqqa ıe boldy. Búgingi is-sharalardyń qoǵamdyq kelisimniń aıryqsha ınstıtýty bolyp tabylatyn Qazaqstan halqy Assambleıasynyń aıasynda ótip jatýynyń tereń máni bar. Tatýlyq, birlik jáne turaqtylyq – bul Qazaqstannyń HHI ǵasyrdaǵy damýynyń mańyzdy prınsıpteri jáne «2050» Strategııasynyń bıik maqsattaryna qol jetkizýdiń basty sharty. Bul máńgilik qundylyqtar elimizdiń órkendeýiniń senimdi negizi bolyp tabylady. Tarıhymyzdyń qasiretti betteri, saıası qýǵyn-súrgin jáne asharshy­lyq qurbandary árqashan bizdiń jadymyzda jáne ony umytpaý bizdiń qasıetti boryshymyz. Nursultan NAZARBAEV.