Bıylǵy qańtar–qazan aılarynda elimizde 40,3 myń tonna jańa aýlanǵan, salqyndatylǵan jáne muzdatylǵan balyq óndirildi. Bul ótken jylmen salystyrǵanda 16,6 paıyzǵa artyq. Negizgi ónim Atyraý, Shyǵys Qazaqstan jáne Túrkistan oblystarynda shoǵyrlanǵan: tıisinshe 11 myń, 9,2 myń jáne 8,3 myń tonna.
Sondaı-aq basqa ádispen daıyndalǵan nemese konservilengen 8,8 myń tonna balyq, ýyldyryq jáne onyń almastyrǵyshtary óndirildi. Bul bir jyl burynǵydan 22,2 paıyzǵa az. О́ndiristiń eń kóp kólemi Túrkistan oblysyna tıesili - 3,4 myń tonna, ıaǵnı 56,7% kóbeıgen. Úzdik úshtikke sondaı-aq Batys Qazaqstan (2,2 myń tonna, bir jylda 6,3% azaıǵan) jáne Shyǵys Qazaqstan (702 tonna, 23,9% azaıǵan) oblystary kirdi.
Bıylǵy qańtar–tamyz aılarynyń qorytyndysy boıynsha jergilikti kásiporyndar óńdelgen jáne konservilengen balyq, shaıan jáne mollıýskalarǵa suranysty bir jyl burynǵy 53,1%-ben salystyrǵanda 53,6% qamtamasyz etti. Elge 32,9 myń tonna ónim ákelindi, bul bir jyl burynǵydan 1,2% artyq. Osy kezeńdegi óndiris 38 myń tonnany qurady, kórsetkish bir jylda 3,3% ósken.
Bul rette resýrstardyń 19,7%-y eksportqa shyǵaryldy, kórsetkish 4,4% azaıdy.
Ishki naryqtaǵy satý kólemi 4,1% ósip, 56,9 myń tonnany qurady.
