Departament málimetinshe, 25 qarasha kúni saǵat 10.30-dan bastap «О́skemen-Taýly Úlbi-Soltústik» tasjolynyń 38-60 shaqyrymynda jáne О́skemen qalasynyń irgesindegi Novotroıskoe aýylyna kireberis joldyń 0-22 shaqyrymy kóliktiń barlyq túrine jabyldy. Jel men qatty borannyń saldarynan jol kórinbeıdi.
«Azamattardan osy baǵytta jol júrýden bas tartýdy jáne «112» qyzmetiniń habarlamalaryn qadaǵalaýdy suraımyz. Alys jolǵa shyqqan kezde aýa-raıynyń boljamymen tanysyp, tótenshe jaǵdaılarda sizge kómektesetin barlyq qajetti zattardy ózińizben birge alyp júrý qajet», delingen habarlamada.
