Qazaqstan Prezıdentin ulyqtaý rásimi 26 qarashaǵa bekitildi. Bul el tarıhyndaǵy jetinshi ınaýgýrasııa bolmaq. Rásim kezinde Ortalyq saılaý komıssııasy jańa saılanǵan Prezıdentke Qazaqstan Respýblıkasy Prezıdentiniń kýáligin tapsyrady. Budan soń, Memleket basshysy Qazaqstan halqyna ant beredi. Sol sátten bastap qaıta saılanǵan Prezıdent resmı qyzmetine kirisken bolyp esepteledi.
Toqaevty saltanatty ulyqtaý rásiminiń translıasııasy respýblıkalyq telearnalardan, ınternet-resýrstardan, sondaı-aq «Aqordanyń» áleýmettik jelilerdegi resmı akkaýnttarynan tikeleı efırde kórsetiledi. Kórsetilim Astana ýaqyty boıynsha saǵat 10:50-de bastalady.
Eske sala ketsek, OSK tóraǵasy Nurlan Ábdirov 22 qarashada ótken vedomstvo otyrysynda Qazaqstanda ótken kezekten tys prezıdent saılaýynyń sońǵy qorytyndysyn jarııalady. Saılaý nátıjesi boıynsha, Qasym-Jomart Toqaev 81,31 paıyz daýys jınap, jeńiske jetti.
