26 qarashada Zaısan aýdanyndaǵy sharýa qojalyǵynyń basshysy qutqarýshylarǵa habarlasqan. Ol Qaratal aýylynyń mańynda mal izdeýge ketken 2 shopannyń joǵalǵanyn jetkizgen. TJD qyzmetkerleri jol talǵamaıtyn «KÝNG» avtokóligimen kómekke attanǵan.
«Qutqarýshylar qatty aıaz ben qarly boranǵa qaramastan 1963 jáne 1983 jylǵy er adamdardy izdestirdi. Shopandardyń biri «Jadyra» sharýa qojalyǵynan 5 shaqyrym jerde tabyldy. Al ekinshisi kóp uzamaı óz betimen oraldy. Shopandarǵa medısınalyq kómek qajet bolmady», delingen habarlamada.
