«Júk jáne qoǵamdyq kólik qozǵalysyna engizilgen shekteý Aqmola, Qaraǵandy, Pavlodar, Qostanaı, Soltústik Qazaqstan jáne Almaty oblystarynda alyndy. Respýblıkalyq joldar jelisinde kúsheıtilgen rejımde 220 birlik arnaıy tehnıka men 300 adam qysqy kútip-ustaý jumystaryn atqaryp jatyr. Túnde 520 m3 qum-tuz qospasy sebildi», delingen habarlamada.
Sondaı-aq qazir Jetisý oblysynda «Almaty-О́skemen» tas jolynyń Kólbaı aýylynan Abaı oblysynyń shekarasyna deıingi ýchaskesi kóliktiń barlyq túri úshin jabyq tur. Shyǵys Qazaqstan oblysynda Qaratal aýylynan QHR shekarasyna deıingi «Omby-Maıqapshaǵaı» trassasynyń ýchaskesi jabyq.
Abaı oblysynda Jetisý oblysynyń shekarasynan Aıagóz qalasyna deıingi «Almaty-О́skemen» tasjolynyń ýchaskesinde qozǵalys shekteldi.
Sondaı-aq Abaı oblysynda Taskesken aýylyna burylystan Úrjar aýylyna deıingi «Taskesken-Baqty» trassasynyń ýchaskesi jabyq tur.
