Erkin formatta ótetin joba bul joly «Saǵynysh sonatasy» degen ataýmen uıymdastyryldy. Is-sharaǵa barlyq býyn ókilderiniń aǵylyp kelgeni kóńil qýantty. Kelýshiler ómirden ótken qalamgerlerdi de umytqan joq. Qazaqtyń qabyrǵaly qalamgeri Nesipbek Dáýtaıdyń dosy Asaýbaı Maılybaevtyń sózinen osyny ańǵardyq.
«Munda jınalǵan jastardyń aldyńǵy býyn aǵalaryn umytpaǵany kóńildi tolqytty. Udaıy jastardyń janynan tabylǵan, kózi tirisinde «Avangardtyń» alǵashqy basqosýlarynda tóbe kórsetken Nesipbek dosymdy saǵynyp júrmin. Neskeń baqılyq bolǵaly jalǵyzsyrap júrgen jaıym bar. Búgin jastardyń otty óleńderin tyńdap, saǵynyshymdy basqandaı bolyp otyrmyn», dedi ol óz oıymen bólisip.
Asaýbaı Maılybaevtyń oıyn quptaǵan ardager jýrnalıst Beket Momynqul men belgili dáriger Saǵyndyq Ordabekov te jastarǵa degen rızashylyǵyn jetkizdi. Sońynan Shapaǵat Ábdir, Nurjan Álish bastaǵan aqyndar qarashada qara óleńnen tógildirse, jas aqyn Janǵazy Ahmettiń uly Nurıman Sembaı da jergilikti aqyndardyń jyryn jatqa oqyp, jurtty tamsantty.
Án men kúı, óleńmen ádiptelgen jobanyń besinshi basqosýynda jergilikti sýretshi Aıdarhan Sıhaev kóńiline qonǵan obrazdardy qaǵazǵa túsirip, qalamgerlerdiń alǵysyna bólendi.
TARAZ
