Bul týraly eldegi Muǵalimder kásipodaq uıymynyń zertteýinde aıtylǵan.
Aqparatqa sáıkes, ustazdar bos ýaqytynda taksı júrgizýshisi jáne barmen bolyp qosymsha tabys taba bastaǵan. Repetıtor bolyp júrgenderi de kóp.
Tipti, alǵashynda az qamtylǵan otbasylardan shyqqan oqýshylarǵa kómek kórsetý maqsatynda bilim berý mekemelerinde qurylǵan azyq-túlik bankteriniń qyzmetterin paıdalanatyn muǵalimderdiń de qatary kóbeıgen.
Osyǵan baılanysty bılik muǵalimderdiń jalaqysyn 5-8 paıyzǵa kótergen. Biraq jyldyq eseppen 11 paıyzdan asatyn ınflıasııany eskersek, olarǵa bul kómektespeıtin tárizdi.
Ulybrıtanııanyń Ulttyq statıstıka basqarmasynyń málimeti boıynsha, eldegi ınflıasııa qazan aıynda ótken jyldyń sáıkes kezeńimen salystyrǵanda 11,1%-ǵa deıin ósken. Bul 1981 jyldan bergi eń joǵary kórsetkish. Baǵanyń kóterilýine elektr energııasy tarıfiniń qymbattaýy áser etken.
Aıta keteıik, buǵan deıin Londonda ornalasqan Ekonomıka jáne iskerlik zertteýler ortalyǵy Ulybrıtanııada ómir súrý deńgeıiniń tómendeýi múmkin ekenin habarlady.
