Jetisaı aýdandyq polısııa bólimine medısınalyq mekemelerdiń birinde jumys isteıtin jergilikti turǵyn aryzben júgingen. Onyń aıtýynsha, belgisiz er adam ony qorqytyp, eki mln teńge bopsalaǵan.
Atalǵan jaıtty polıseıler QR QK-niń 194-baby 1-bóligi boıynsha Jetisaı APB-ǵa tirkedi.
«Qylmysty ashý maqsatynda Túrkistan oblysy Polısııa departamentinde Uıymdasqan qylmysqa qarsy kúres basqarmasynyń jáne Jetisaı APB krımınaldyq polısııanyń tájirıbeli qyzmetkerleri qatarynan jedel-tergeý toby quryldy. Jedel-izdestirý is-sharalaryn júrgizý nátıjesinde polıseıler kúdiktini 1,5 mıllıon teńgege jýyq aqshany alǵan kezde anyqtap, ustady. Ol Jetisaı aýdanynyń turǵyny bolyp shyqty. Zattaı dálel retinde jedel ýákilder er adamnan aqsha tárkiledi», delingen polısııa habarlamasynda.
Kúdiktiniń medısına qyzmetkerin ne sebepti bopsalaǵany belgili boldy. Ol medısınalyq qyzmetke kóńili tolmaı, basshylyqqa aryz jazyp, ony jumystan shyǵartatynyn aıtyp qorqytqan, iri kólimdegi aqshamen bopsalaǵan.
Qazir bopsalaý jaıty boıynsha sotqa deıingi tergeý amaldary júrip jatyr. Kúdikti qamaýǵa alyndy. Oqıǵanyń barlyq mán-jaıy anyqtalady.
