Kollajdy jasaǵan Qonysbaı ShEJIMBAI, «EQ»
Bul týraly vedomstvo basshysy Qazaqstan qarjygerleriniń H Kongresi aıasynda «ESG – Qarjy naryǵyn damytýdyń jańa paradıgmasy» atty halyqaralyq konferensııa kezinde aıtty.
«Biz álemdegi eń ozyq tájirıbelerdi qoldanýǵa tyrystyq. Jaqyn arada eshkim kómirtegi beıtaraptyǵyna tolyq qol jetkize almaıtyny anyq. Sondyqtan birtindep ótý jolyn tańdadyq. Biz myńdaǵan adamnyń jumys oryndarynan aıyrylýyna, al keıbir qalalarda kásiporyndardyń jabylýyna jol bere almaımyz», dedi mınıstr.
Onyń aıtýynsha, bolashaqta Qazaqstannyń 2060 jylǵa deıingi kómirtegi beıtaraptyǵyna qol jetkizý strategııasy jańa tehnologııalyq sheshimderdi eskere otyryp túzetilýi múmkin. Negizgi prınsıpter ózgerissiz qalady. Olar – júıelilik, tepe-teńdik, maqsatqa jetý.
«Qazirdiń ózinde Qazaqstanda energetıka salasyna ınvestısııalar belsendi tartylyp jatyr. Bolashaqta bizde sýtegi energııasyn óndiretin zaýyt salynady, bul – zamanaýı tehnologııalar. Sondaı-aq dekarbonızasııa jolynda atom energııasy men gazdy da umytpaýymyz kerek. Bul da tranzıttik kózderi bolyp sanalady», dep tolyqtyrdy Á.Qýantyrov.
Prezıdent jarııalaǵan «Tarıfti ınvestısııaǵa aıyrbastaý» baǵdarlamasy – Úkimettiń osy baǵyttaǵy negizgi saıasaty. Mysaly, kommýnaldyq kásiporyndarda óndiristerdi jańǵyrtý, jylý elektr stansalaryn kómirden gazǵa kóshirý. Bul jumys áleýmettik jáne ekonomıkalyq aspektilerdi eskere otyryp, birtindep júrgiziletin bolady.
«Klımattyq kún tártibin damytý isinde birge bolýymyz kerek. Bul elimizge ǵana qatysty emes. О́ıtkeni ekologııa máselesinde geografııalyq jáne saıası shekaralar joq. Sondyqtan jahandyq qoǵam men ár eldegi jurtshylyq úılesimdi áreket etýge tıis», dep qorytyndylady Ulttyq ekonomıka mınıstrliginiń basshysy.
