Endi Prezıdent saıası partııanyń múshesi bola almaıdy, oblys ákimderiniń sheshimderin joıa almaıdy, tipti onyń týystaryna da shekteýler qoldanylady. Eń mańyzdy shekteý – prezıdenttik merzimniń bir rettik bolýy. Basqasha aıtqanda, Q.Toqaev úshin jańa kezeń bastaldy. Onyń nátıjeleri boıynsha ol el tarıhynda qalady. Qazir saılaýaldy baǵdarlamada aıtylǵan barlyq erejeni iske asyrý mindeti tur.
Q.Toqaevtyń saılaýaldy baǵdarlamasynyń erejelerin iske asyrý jospary qabyldanady dep kútiledi. Bul saıası júıeni odan ári jańǵyrtý, aýdandar men respýblıkalyq mańyzy bar qalalar ákimderiniń tikeleı saılanýyn engizý, quqyq qorǵaý ınstıtýttaryn kúsheıtý sııaqty máseleler taıaý jyldardaǵy eldiń damý kún tártibindegi mańyzdy máselelerge aınalatynyn bildiredi.
«Kúshti Prezıdent – yqpaldy Parlament – esep beretin Úkimet» formýlasy boıynsha Memlekettik basqarý júıesin qaıta qurý Memleket basshysynan basqa, ony qurýǵa bıliktiń barlyq tarmaqtary – Zań shyǵarýshy, atqarýshy jáne Sot belsendi qatysady dep boljaıdy. Saılaý sıkli jalǵasýda. Bizdiń aldymyzda Konstıtýsııalyq sot, aralas saılaý júıesi boıynsha Májilis pen máslıhattar qurý mindeti tur, sondaı-aq Úkimet jańartylady. Prezıdent saılaýy saıası transformasııaǵa kúshti serpin berdi.
Ermek TOQTAROV,
Prezıdent janyndaǵy QSZI saıası zertteýler bóliminiń basshysy
