Muny nege aıtyp otyrmyn? О́ıtkeni Úkimet Qurmanǵazy aýdanynyń Azǵyr, Súıindik, Asan okrýgterindegi eldi mekenderge nazar aýdarýǵa tıis. Ásirese Azǵyr okrýgindegi Jalǵyzapan, Qońyrterek, Balqudyq aýyldary Reseı Federasııasymen aradaǵy shekarada tur. Máselen, biz turatyn Balqudyq eldi mekeni aýdan ortalyǵy – Qurmanǵazy aýylynan shamamen 260 shaqyrym jerde ornalasqan. Elimiz táýelsizdik alǵanyna 30 jyldan assa da, úsh okrýgtegi 9 eldi mekennen aýdan ortalyǵyna, ne odan keri jetýdiń qıyndyǵyn kórip kelemiz. Bul árıne joldyń nasharlyǵynan týyndap otyr. Ásirese aıaǵy aýyr áıelderge qıyn. О́ıtkeni aýylda ýchaskelik aýrýhana, perzenthana joq.
Al shaǵyn jáne orta kásipkerlikke bet burǵandarǵa tipten ońaı emes. Aýylymyzda aýyz sý máselesi de túpkilikti sheshiler emes. Qoıandy toptyq sý qubyrynan aýylǵa deıin jeli tartylǵan. Kezinde «Taza sý», «Aqbulaq» baǵdarlamalarymen biraz sharýa jasalǵandaı bolǵan edi. Alaıda turǵyndardyń kópshiligi áli kúnge aýyz sýdy aýlasyndaǵy qudyqqa kólikpen quıdyryp otyr. Úsh tonna sý – 1800 teńge.
Prezıdent «Bizdiń basty baılyǵymyz – adam. Sondyqtan azamattardyń ıgiligi úshin barlyq jaǵdaıdy jasaý asa mańyzdy» dep másele kóterdi. Endi Úkimet shekaradaǵy aýyldarda turatyn adamdardyń jaǵdaıyn jaqsartýdy qolǵa alýǵa tıis. Bizdiń aýylymyzǵa Senat pen Májilistiń depýtattary talaı ret kelip, problemamyzdy kórdi. Turǵyndardyń janaıqaıyn estidi. Úsh okrýgtegi turǵyndardyń problemasyn mınıstrlikterdiń ókilderi de biledi.
Kezinde bul máselelerdi Qurmanǵazy aýdandyq máslıhatynyń depýtaty retinde aýdan, oblys ákimderiniń nazaryna talaı ret saldym. Biraq «Baıaǵy jartas – sol jartas» kúıinde qalyp, ásirese jastardyń aýylda turaqtamaýyna áserin tıgizip otyr. Shekaradaǵy aýyldardyń áleýmettik problemasy oń sheshilmese, bolashaqta turǵyndar údere kóship ketýi múmkin. Sol sebepten Úkimet osy máselege nazar aýdaryp, eldiń shekarasy bos qalmaýyn oılastyrýǵa tıis.
Mansur QÝANYShÁLIN,
Balqudyq aýylynyń turǵyny
Atyraý oblysy,
Qurmanǵazy aýdany
