Máselen, Qaraǵandy jáne Ulytaý óńirlerinde tórt jańa proeksııalyq jaıaý júrginshiler ótkeli ornatyldy. Olar «Qyzylorda-Pavlodar-Ýspenka-RF shekarasy» avtojolynyń 912 shaqyrymy Qarabas kentiniń ishinde; «Astana-Qabanbaı batyr-Nura-Temirtaý» avtojolynyń 102 shaqyrymy Nura kentiniń ishinde; jáne «Jezqazǵan-Esil-Petropavl» avtojolynyń 22 shaqyrymynda Sátbaev qalasynyń qasynda ornatyldy.
«Proeksııa jyldyń tórt mezgilinde, aýa-raıy qolaısyz bolsa da (qar, jańbyr, kóktaıǵaq) aıqyn kórinedi. Avtokólik júrgizýshileri men jaıaý júrginshiler túngi ýaqytta da jolda aq-sary jaıaý júrginshiler jolaǵyn 150 metr jerden anyq kóre alady», dep jazylǵan QazAvtoJol Ulttyq kompanııasynyń baspasóz qyzmeti taratqan habarlamada.
Eske salaıyq, dál osyndaı proeksııalyq jolaqtar buǵan deıin Aqtóbe, Batys Qazaqstan jáne Aqmola oblystarynyń respýblıkalyq mańyzdaǵy tasjoldarynda ornatyldy.
