2020 jyldyń qyrkúıeginde Taldyqorǵan qalasynyń polısııa qyzmetkerlerine 29 jastaǵy jergilikti turǵyn aryzdanyp, ózine zorlyq kórsetti degen aıyppen tanysyna shara qoldanýdy talap etken. Atalǵan fakti boıynsha tergeý júrgizilip, nátıjesinde aryzdanýshynyń ózi qamaýǵa alyndy.
Polısııanyń málimetinshe, istiń barlyq mán-jaıyn zerdeleý kezinde tergeýshi aryzdanýshynyń aıǵaqtarynan birqatar sáıkessizdikterdi anyqtaǵan. Júrgizilgen saraptamalarlyń nátıjesi de kúmándi bolyp shyqty. Belgili bolǵandaı, áıel adamnyń tanysy ony jumysqa turǵyzýdan bas tartqan. Sol kezde áıel adam tanysynan kek alý maqsatynda oǵan jalǵan aıyp taǵýdy uıǵardy.
«Zorlaý faktisi boıynsha qylmystyq is aqyry jabylyp, aryzdanýshynyń ózine qatysty QR Qylmystyq kodeksiniń 419-baby, ıaǵnı qylmysty kórineý jalǵan habarlaý boıynsha tergeý bastalyp, aıyptalýshy qamaýǵa alyndy», dedi qalalyq IIB bastyǵynyń orynbasary Shyńǵys Nurahymov.
