Bul aksııanyń ótýine qalalyq jaıly ortany damytý basqarmasy uıytqy boldy. Shymsıtı men Turan shaǵyn aýdandarynda uıymdastyrylǵan senbilikke 650-den astam qyzmetker men erikti qatysty. Olardyń ishinde jumyspen qamtý jáne áleýmettik qorǵaý basqarmasyna qarasty mekemelerden 146 qyzmetker 2 myń dana tal-daraq ekti. Sonymen birge turǵyn úı basqarmasy men oǵan baǵynysty mekemelerdiń 60 qyzmetkeri de myńnan astam shybyq shanshydy. Al aýdan ákimdikterinen senbilikke 100 qyzmetker shyǵyp, 2 myńǵa jýyq aǵash kóshetterin otyrǵyzdy.
Qysqasy, senbi kúni uıymdastyrylǵan «jasyl qala» aksııasyna joǵaryda atalǵan mekemelerden bólek qalalyq sport, sáýlet qala qurylysy jáne jer qatynastary, din isteri, jolaýshylar kóligi jáne avtomobıl joldary, mádenıet, tilderdi damytý jáne arhıvter, sondaı-aq jaıly ortany damytý basqarmalarynyń qyzmetkerleri belsene atsalysty. Jalpy, senbilikte 600-ge jýyq qyzmetker kóshet egý is-sharasyna qatysyp, 6 arnaıy tehnıkanyń qyzmeti paıdalanyldy.
Al jeksenbi kúni Shymkent qalalyq jaıly ortany damytý basqarmasy taǵy bir ekologııalyq is-sharany qolǵa aldy. Bul joly atalǵan memlekettik organǵa qarasty «Dendrosaıabaq», «Jasyl beldeý» qyzmetkerleri jáne «Jasyl jer» merdiger mekemesiniń jumysshylary birigip, qala ishinde senbilik ótkizdi. Sonyń aıasynda shahardaǵy Shymsıtı shaǵyn aýdanynda jabaıy alma, emen, úıeńki jáne jabaıy órik syndy jalpy sany 5 myńǵa jýyq tal kósheti otyrǵyzyldy. Munymen qosa, kógaldandyrý aksııasyna 4 tehnıka, atap aıtqanda, 2 sý tasymaldaýshy kólik pen 2 kóshet tasymaldaýshy traktor jumyldyryldy.
О́tip bara jatqan kúz aıynyń sońǵy senbisinde megapolıstiń basqa da aýmaqtaryn senbilik aksııalary uıymdastyryldy. Máselen, shahar irgesindegi «Ońtústik» arnaıy ekonomıkalyq aımaǵyna baratyn joldyń boıyna Eńbekshi aýdany ákimi apparatynyń qyzmetkerleri, «Murager» respýblıkalyq qoǵamdyq birlestiginiń «Beıbitshilik sharty áskerı kúshteri» ardagerleri jáne «Ońtústik» AEA jumysshylary uıymdasyp, 1 800-ge jýyq ártúrli aǵash kóshetin ekti.
Kúzdiń qara sýyǵynda kóshet qondyrǵan qalaı bolady, tal-daraq úsip ketpeı me degen saýalǵa qalalyq jaıly ortany damytý basqarmasy basshysynyń orynbasary Maqsat Ábdiqadyrov kerisinshe, shybyqtar kóktemde egilse tamyr alyp ketýi qıynǵa soǵady degen jaýabyn aldyq.
– Qazir taldar qysqy uıqyǵa ketti. Osy kezdi paıdalanyp egip alǵan jón. Odan buryn otyrǵyzylǵan kóshetter solyp qalýy múmkin. Sondyqtan biz ádeıi aǵashtardyń japyraqtary sarǵaıyp túsip, uıyqtaǵan mezgilin kúttik. Buryn shaharda tek biryńǵaı qaraǵash egiletin. Bul shyny kerek, qalaǵa onsha kórik bermeıdi. Onyń ústine saıasy da az. Sol úshin arnaıy tuqymbaqta ósirilip, ózimizdiń klımatqa ábden jersindirilgen emen men úıeńki taldarynyń kóshetterin egip jatyrmyz. Bular ári qala kórkine sán beredi, ári japyraqtary úlken bolǵan soń túbinde saıalaýǵa da jaqsy. Sonymen birge búgingi tańda aǵash kóshetterin satyp alý boıynsha qosymsha qarajat qarastyrý máselesi de jergilikti ákimdik tarapynan qaralý ústinde, – dedi maman.
ShYMKENT
