Kezdesýde memlekettik organdarmen birge «Rodına» JShS, «Zenchenko ı K» KS, Kartop jáne kókónis ósirýshiler odaǵy, Makınsk qus fabrıkasy, «Eńbek» JShS, Qazaqstannyń astyq konsorsıýmy, Qazaqstan qoı ósirýshiler odaǵy, «Galıskoe» JShS, «DALA-FRUIT.KZ» kompanııalar toby, «Raıymbek Agro» JShS, Kredıttik seriktestikter qaýymdastyǵy, «Atameken» UKP jáne basqa da uıymdar basshylary aýyl sharýashylyǵy taýaryn óndirýshilerdi alańdatatyn jáne asa ózekti máselelerdi ortaǵa saldy.
Qatysýshylar sýbsıdııalardy bólý jáne ýaqtyly berý, mal sharýashylyǵyn damytý jáne qoldaý, veterınarııalyq qaýipsizdik, aýyl sharýashylyǵy tehnıkasyn satyp alý, eksporttyq shekteýlerdi alyp tastaý jáne t.b. sııaqty agroónerkásip kesheni salasynyń ózekti máselelerimen qatar, aýyl sharýashylyǵyn damytý jónindegi usynystaryn jetkizdi. Otandyq agrarlyq ǵylymdy damytý máselesine de erekshe nazar aýdaryldy.
«Elimizde árbir sharýa – eksperımentshi, al jeke zertteý júrgizý óte qymbatqa túsedi. Memleket agrarlyq ǵylymdy damytýǵa kóp qarajat bóledi, ulttyq agrarlyq ǵylymı-bilim berý ortalyǵy bar, ol fermerlerdi kókónisterdi egý merzimi, ádisteri jáne basqa da erekshelikteri týraly ádistemelermen qamtamasyz etýi kerek», dedi «Olja Agro» JShS basshysy Aıdarbek Hodjanazarov.
Sút ónimderin óndirýshiler óz tarapynan joǵary retro-bonýstardy qosatyn saýda jelileriniń praktıkasy jaıly aıtty.
Suraqtardyń árbir blogy boıynsha vıse-premer egjeı-tegjeıli túsinikteme berdi.
«Biz barlyq máseleni birlesip talqylaımyz, jaqynda saýda jelilerimen kezdesýler uıymdastyramyz, qarjylandyrý, sýbsıdııalar bólýdiń turaqtylyǵy men basqa da máselelerdi pysyqtaımyz, aıtylǵan usynystar boıynsha bólek kezdesýler ótkizemiz. Barlyq sheshimder memleket pen bıznestiń múddelerin eskere otyryp qabyldanatyn bolady», dep túıindedi S.Jumanǵarın.
