«Eńbek etkenniń eńsesi bıik» degen sóz bar. Kúz maýsymy – dala eńbekkerleriniń mereıi tasyp, abyroıy asqaqtaıtyn kezeń. Bıyl da óńir dıqandary astyqtan mol ónim alyp, el qambasyn altyn dánge toltyrdy. Osyndaı bıik nátıjege jetken, elimizdiń azyq-túlik qaýipsizdigin qamtamasyz etip otyrǵan adamdardyń aldynda basymyzdy ıip, alǵysymyzdy aıtamyz», dedi oblys ákimi Qumar Aqsaqalov.
О́ńir basshysynyń aıtýynsha, eldiń azyq-túlik qaýipsizdigin qamtamasyz etýge soltústikqazaqstandyqtar da tolymdy úles qosyp otyr. Bıylǵy 10 aıdyń qorytyndysyna qaraǵanda, Qyzyljar óńiri 1 trln teńgeden astam aýyl sharýashylyǵy ónimderin daıyndap, respýblıka boıynsha alǵashqy orynǵa shyqty. Sonyń ishinde astyqtyń 25 paıyzyn, maıly daqyldardyń 35 paıyzyn jınady. Ishki naryqty aýyl sharýashylyǵy ónimderimen tolyqtyrý 85 paıyzǵa jetti.
Oblys áleýmettik mańyzy bar dep tanylǵan 19 túrli azyq-túlik taýarlarynyń 15 túrin óndiredi. Mashına-traktor parkin jańǵyrtý, mıneraldy tyńaıtqyshtar sebý, mal sharýashylyǵy shıkizattaryn óńdeý, sút óndirý men óńdeý óndirisi boıynsha aldyńǵy qatarǵa shyqty.
Bıyl Soltústik Qazaqstanda iske qosylýy josparlanǵan 8 taýarly sút kesheniniń ekeýi paıdalanýǵa berildi. Onyń ishinde 1 800 sıyr saýatyn iri ferma da bar. Qalǵan altaýy jyl sońyna deıin paıdalanýǵa beriledi. Halyqty qus etimen qamtý, ımportty almastyrý máselesi de kún tártibinen túsken joq. Búginde oblysta 6,5 myń tonna jáne 10 myń tonna qus etin óndiretin eki qus fabrıkasy salyndy. О́ńir eńbekkerleri naryqty ekologııalyq turǵydan taza, sapaly ónimdermen qamtamasyz etýde.
Saltanatty is-sharada bıylǵy eńbek jetistikterine baılanysty memlekettik marapattar men oblys ákiminiń gramotalary, Alǵyshattary tapsyryldy. Máselen, Prezıdent Q.Toqaevtyń Jarlyǵymen Shal aqyn aýdanyndaǵy «Asyl logıstıks» JShS dırektory Ǵabıden Balǵynbekov «Qurmet» ordenimen nagradtalsa, oblys ákiminiń Qurmet gramotasymen marapattalǵan segiz sharýanyń biri – Aqqaıyń aýdanyndaǵy «SQ tájirıbelik stansasy» JShS mehanızatory Maksım Djý «Eńbegimdi elegenge rızamyn. Bul marapat meni jańa eńbek jetistikterine jeteleıdi», dedi. Sondaı-aq alty adam oblys ákiminiń Alǵyshatyn aldy.
Jıyn sońy merekelik konsertke ulasty.
Soltústik Qazaqstan oblysy
