Sondaı-aq ulttyq quramanyń Azııa birinshiligindegi tabysyna óz úlesin qosqan komandanyń ózge músheleri, atap aıtqanda quramanyń bapkerler qosyny, boksshylardyń jeke bapkerler men ǵylymı keshenniń qyzmetkerleri de nazardan tys qalǵan joq. Is-sharaǵa QBF prezıdenti Keńes Raqyshev pen federasııa jetekshileri qatysyp, bylǵary qolǵap sheberlerin Sary qurlyq básekesindegi jeńisterimen quttyqtady.
Boksshylardyń qarjylaı syıaqylaryn (I oryn – 5 mln teńge, II oryn – 2 mln, III oryn 1 mln) Qazaqstan boks federasııasynyń basshysy Keńes Raqyshevtiń ózi tapsyrdy.
Azııa qurlyǵynyń 27 elinen kelgen 267 bylǵary qolǵap sheberi (181 er men 86 áıel) synǵa túsken dodada Qazaqstannyń erler men áıelder quramasynyń nátıjesin qosa eseptegende, jalpykomandalyq esepte 1-oryndy jeńip aldy. Boksshylarymyz jalpy sany 21 júlde oljalady. Onyń ishinde altaýy altyn, jeteýi kúmis jáne segizi qola medal.
Erler arasyndaǵy básekede Sanjar Táshkenbaı (48 kg), Aslanbek Shymbergenov (71 kg), Aıbek Oralbaı (– 92 kg) Azııa chempıony atansa, qyzdar arasynda Alýa Balqybekova (48 kg), Jaına Shekerbekova (54 kg) men Karına Ibragımova (57 kg) altynnan alqa tyqty.
Al Sáken Bıbosynov (51 kg), Mahmud Sabyrhan (54 kg), Serik Temirjanov (57 kg), Dýlat Bekbaýov (67 kg), Nurqanat Raıys (75 kg), Qamshybek Qońqabaev (+92 kg) jáne Gúlsaıa Erjan (81 kg) fınalda jeńilip, kúmis júldege ıe bolǵan edi.
Sary qurlyq básekesiniń jartylaı fınalynda qarsylastaryna jol bergen Samatáli Tóltaev (60 kg), Nurbek Oralbaı (80 kg), Saǵyndyq Toǵambaı (86 kg), Nazym Qyzaıbaı (50 kg), Jazıra Oraqbaeva (52 kg), Mádına Nurshaeva (66 kg), Darıǵa Shákimova (70 kg) men Lázzat Kúngeıbaeva (+81kg) el qorjynyna qola júlde saldy.
Aıta keteıik, Qazaqstan quramasynan keıingi jalpykomandalyq esepte О́zbekstan (6 altyn, 3 kúmis, 4 qola) quramasy ekinshi orynǵa ıe bolsa, úzdik úshtikti – Úndistan (4 altyn, 2 kúmis, 5 qola) boksshylary túıindedi. Barlyǵy Iordanııa tórinde 12 eldiń Ánurany shyrqaldy.
