Sapaly ınternet qoljetimdi

Ol Astana qalasynyń sıfr­landyrý jáne memlekettik qyzmet basqarmasy «Astana-REK» AQ jáne ınvestorlarmen birlese otyryp, ınves­torlardyń tolyq qarjy­lan­dy­rý­y esebinen elordanyń turǵyn alabtarynda elektr berý jáne jaryqtandyrý baǵanalary bo­ıy­men optıkalyq baılanys je­lilerin tartý jumystaryn júr­gizip jatqanyn jetkizdi.

Saryarqa aýdanynda «Ka­zah­­skıe domashnıe setı» JShS-y jumys júrgizýde. Búgin­gi tańda «Kóktal-2» turǵyn alaby boıymen 16 shaqyrym kóshe kabelderi tartyldy. Abonentterdi qosýdyń tarıftik jospary jyldamdyqqa baıla­nysty 4 500 teńgeden 14 500 teńgege deıingi aralyqty quraı­dy (jyldamdyq 50 Mbıt/s-ten 500 Mbıt/s deıin). Qazirgi ýaqytta turǵyndardan ınternetke qosylýǵa 53 ótinish túsip, 2022 jyldyń 23 qarashasynda «Kóktal-2» birinshi abonenti qosyldy, aýa raıynyń qolaıly jaǵdaıynda kúnine 5 abonentti qosý josparlanýda. Internetke qo­sylý tegin túrde júzege asyrylady.

Tarıftik josparlardyń eń tómeni 50 mb/s – 4 500 teńge bolsa, standartty 100 mb/s deıin – 6 500 teńge, al sha­ńy­raq tarıfi 200 mb/s deıin 8 500 teńgeni quraıdy. 350 mb/s deıin otbasylyq tarıf – 11 500 teńge, maksımaldy 500 mb/s deıingi tarıf 14 500 teńge bolady.

Úrker turǵyn alabynda «Synergy Telecom» JShS ju­mys júrgizýde. Búgingi tańda Úrker turǵyn alaby boıymen 20 shaqyrym kóshe kabelderi tar­tyldy. Abonentterdi qo­sý­dyń tarıftik jospary jyl­­damdyqqa baılanysty
4 500 teńge jáne 6 500 teńge ara­ly­ǵyn quraıdy (jyldamdyq 50 Mbıt/s-ten 100 Mbıt/s deıin), jyldamdyqty ulǵaıtýǵa su­ranys bolǵan jaǵdaıda, ony 500 Mb/s deıin arttyrýǵa bolady. Qazirgi ýaqytta turǵyn­dar­dan ınternetke qosylýǵa 40 ótinish qabyldandy, aýa raıynyń qolaıly jaǵ­daıynda kúnine 8 abonentti qosý jos­parlanýda. Aǵymdaǵy jyl­dyń 29 qarashasynda al­ǵash­qy abonentterdi qosý jos­parlanǵan.

Turǵyn alabtardy joǵary jyldamdyqty ınternetpen qamtamasyz etý úshin qalaǵa jalpy somasy 1,5 mlrd teń­ge­ni quraıtyn ınvestısııa tartyldy. 2023 jylǵa «Kók­tal-1», «Agrogorodok, «In­ter­nasıonal», «Ońtústik-Shy­ǵys» (oń jaǵalaý), «Pro­mysh­lennyı», «Kúı­gen­jar», «Mıchýrın», «Kaz­go­rodok», «Kırpıchnyı», «О́n­diris», «Qoıandy» saıajaıy tur­ǵyn alabtaryn ınternetke qosý josparda bar.