Sondaı-aq, Esil aýdanynda órt sóndirýshi Saıat Abeev pen granatany keýdesimen jaýyp, terrorısti zalalsyzdandyrǵan polısııa kapıtany Ǵazız Baıtasovtyń esimimen atalǵan kósheler bar.
Sondaı-aq, Asqar Zabıkýlınniń esimin batyr qyzmet etken №6 Mamandandyrylǵan órt sóndirý bólimine berý, mekeme aldyna bıýst ornatý usynyldy. Sonymen qatar, Asqar Zabıkýlınniń estelik sýretin Astana qalasynyń A.Pýshkın kóshesinde ornalasqan «Qutqarýshylar saıabaǵyndaǵy» aqparattyq taqtaǵa ornalastyrý týraly sheshim qabyldandy. Bul saıabaqta buryn qaıtys bolǵan qutqarýshylardy eske alýǵa arnalǵan aqparat ornalastyrylǵan.
Qalanyń onomastıkalyq komıssııasynyń otyrysynda qaralǵan usynystar qaraý úshin Astana máslıhatynyń turaqty komıssııalarynyń jarııa tyńdaýlaryna, Astana qoǵamdyq keńesiniń qaraýyna jiberiledi.
Buǵan deıin Memleket basshysynyń tapsyrmasy boıynsha qutqarýshy Asqar Zabıkýlınniń otbasyna úsh bólmeli páterdiń kilti tabystalǵan bolatyn. Páter Asqardyń jubaıyna jeke menshikke berildi. (qazirgi ýaqytta páterde árleý jáne odan ári jıhazben tolyqtyrý jumystary júrgizilýde).
Qutqarýshy Aıan Kempirovtyń otbasyna ıpotekany óteýge kómek kórsetildi. Onyń somasy 24 mıllıon teńgeni quraıdy. Sonymen qatar, Asqar Zabıkýlın men Aıan Kempirovtyń otbasylaryna 6 mıllıon teńgege nesıe óteldi.
