«Kezdesý barysynda Qasym-Jomart Toqaev Emmanıýel Makronǵa Fransııaǵa shaqyrǵany jáne Qazaqstan Prezıdenti bolyp qaıta saılanýymen shyn júrekten quttyqtaǵany úshin alǵys aıtty», dep habarlady Qazaqstan Prezıdentiniń resmı ókili. Q.Toqaev sondaı-aq fransýz áriptesin Qazaqstanda júrgizilip jatqan saıası jáne ekonomıkalyq reformalar týraly habardar etip, ony jaqyn arada Qazaqstanǵa kelýge shaqyrdy.
E.Makron óz kezeginde Qazaqstandy Fransııanyń «strategııalyq seriktesi» dep atady. Ol sonymen qatar 2024 jyly Qazaqstanda fransýz tilin úıretetin jańa mektepter ashylatynyn habarlady. Taraptar eki eldiń bilim jáne mádenıet salalaryndaǵy baılanystaryn nyǵaıtý jóninde jan-jaqty pikir almasty, sondaı-aq halyqaralyq kún tártibindegi ózekti máselelerdi jáne Ortalyq Azııadaǵy jaǵdaıdy talqylady.
О́tken jyly Qazaqstan men Fransııa 2030 jylǵa deıingi saýda-ekonomıkalyq jáne ınvestısııalyq yntymaqtastyqtyń jol kartasyn bekitken edi.
