Ispanııa úkimeti avtobýsta tegin júrý mehanızmi engiziletinin málimdedi. 2023 jyldyń 1 qańtarynan bastap arnaıy jol júrý kartasy bar jolaýshylar qoǵamdyq kólikpen uzaq qashyqtyqqa tegin jete alady.
Baǵdarlama aıasynda eldegi 79 avtobýs baǵyty tegin bolady. Tegin bolatyn eń tanymal baǵyttardyń qatarynda Madrıd - Segovııa, Madrıd - Gvadalahara, Terýel - Barselona jáne Santander - Bılbao - Barselona qalalary bar. Qalaaralyq avtobýs baǵyttarynyń jelisi Ispanııanyń 2400 qalasyn qamtıdy, al saparlardyń ortasha uzaqtyǵy shamamen 900 shaqyrymdy quraıdy.
Osyndaı shara arqyly bılik turǵyndardy óz kólikterinen bastartýǵa úndep otyr. Atalǵan joba jurtshylyqty qoǵamdyq kólikpen júrýge shaqyrý maqsatynda ázirlengen.
Aıta keteıik, Ispanııada bıylǵy jazdan bastap poıyzdarda tegin júrý josparlanǵan bolatyn. Sondyqtan ulttyq temirjol operatory Renfe basqaratyn 300 shaqyrymǵa deıingi joldardy qamtıtyn barlyq qala mańyndaǵy aımaqtyq jeliler jyl aıaqtalǵansha tegin bolady.
