Forvard ózin alańnan tym erte shyǵaryp jibergenine renjýli sııaqty. Sebebi Ronaldý álem chempıonatyndaǵy barlyq úsh matchta da ózge fýtbolshymen aýystyrylǵan. Ganaǵa qarsy (3:2) 88-mınýtta, Ýrýgvaıǵa qarsy (2:0) 82-mınýtta, Ońtústik Koreıaǵa qarsy (1:2) oıynnyń 65-mınýtynda bapker ony alańnan shyǵaryp jibergen.
Portýgalııa fýtbol federasııasy (FPF) juldyzdy oıynshynyń narazylyǵyna nazar aýdarǵysy kelmeıdi.
«Álem chempıonatynyń fınalyna shyǵýǵa úsh oıyn qaldy! Biz tek matchtarǵa nazar aýdarýymyz kerek jáne daý týdyrmaýymyz qajet», dep jazylǵan FPF tarapynan alynǵan pikirde.
Eske salaıyq, Ronaldý Ońtústik Koreıaǵa qarsy oıynda ózge fýtbolshymen aýystyrylǵanda óte emosıonaldy túrde jaýap bergen bolatyn. Oıynnan keıin bapker de, shabýylshy da Ronaldýdyń emosıonaldy reaksııasyna koreı fýtbolshylarynyń biriniń áreketi sebep bolǵanyn aıtqan.
Dese de bapker Santos kez kelgen daýly máselede Ronaldýdy qoldap, onyń múddesin qorǵap júredi. Soǵan qaramastan ataqty fýtbolshynyń bapkerge ókpeli ekeni de jasyryn emes. Basqa-basqa, dál Krıshtıaný Ronaldýdiń álem chempıonatyndaǵy matchtarda negizgi ýaqyt aıaqtalmastan alańdy tastap ketkisi kelmeıtini belgili.
