Mınıstrdiń aıtýynsha, Salyq kodeksine shaǵyn kásipkerlik sýbektileriniń qyzmetkerlerine biryńǵaı mindetti tólemdi engizýge qatysty túzetýler engiziledi. Osylaısha, 2023 jyly salyq júktemesin 33-ten 20%-ǵa deıin tómendetý josparlanyp otyr.
«Eńbek qyzmetin Iаndeks Taksı, Glovo jáne t.b. sııaqty onlaın platformalar arqyly júzege asyratyn tulǵalar úshin arnaıy salyq engiziledi. Sonymen birge salyq agentteri tıisti tólemderdi júzege asyratyn onlaın platforma operatorlaryn anyqtaýy kerek», dep túsindirdi Tamara Dúısenova.
Sondaı-aq qyzmetkerlerdi jazataıym oqıǵalardan saqtandyratyn jumys berýshiler úshin saqtandyrý tarıfterin tómendetý qarastyrylǵan.
«Tarıfterdi tómendetý boıynsha qabyldanǵan sharalar Memlekettik áleýmettik saqtandyrý qorynan jáne saqtandyrý uıymdarynan tólenetin áleýmettik tólemderdiń kólemin kezeń-kezeńimen ulǵaıtýmen ushtasady. Osylaısha kelesi jyldan bastap jumysynan aıyrylǵan azamattar 6 aıǵa deıin burynǵy tabysynyń 45% mólsherinde Memlekettik áleýmettik saqtandyrý qorynan tólemder alady», dep qosty vedomstvo basshysy.
