Erler arasynda asa aýyr salmaqta synǵa túsken Ǵalymjan Qyryqbaı qola medal úshin jekpe-jekte cheh balýany Lýkas Krpalekten basym túsip, júldegerler qatarynan kórindi. Ol irikteý básekesinde amerıkalyq Krıstıan Konovaldy jeńgenimen, keıin japonııalyq Kokoro Kagıýradan utylyp qaldy. Jarys qojaıyny fınalǵa shyqqandyqtan Ǵalymjan jubanysh beldesýine múmkindik aldy. Onda mońǵolııalyq Sesensengel Odhýýdy utty.
100 kıloǵa deıingi salmaqtaǵy Nurlyhan Sharhan qola medal úshin kúreste jeńilse, Ǵalııa Tynbaeva jubanysh beldesýinde utyldy. Al Tokıo tatamıinde óner kórsetken Qazaqstan quramasynyń ózge ókilderi tegisteı birinshi aınalymda súrindi.
