Astana qalasy prokýratýrasynyń kelisýimen ótkizilgen keshendi jedel-izdestirý is-sharalarynan keıin Astana qalasy Esirtki qylmysyna qarsy kúres departamentiniń qyzmetkerleri oıyn-saýyq ortalyqtarynda esirtki satýmen aınalysqan jas jigitti ustady. Odan ári tergeý áreketteri ustalǵan azamattyń turǵylyqty jerinde jalǵasty.
«Ustalǵan azamattyń páterin tintý barysynda sıntetıkalyq toptaǵy kannabıs jáne esirtki zattary tárkilendi. Bul jaqyn arada satýǵa arnalǵan esirtkiniń 20 rettik dozasy bolyp shyqty», deıdi elordalyq departamenttiń basshysy.
Jedel-izdestirý sharalary kezinde barlyǵy 4 grammǵa jýyq mefedron men 11 gramm gashısh tárkilendi.
Esirtkilerdi asa iri kólemde satý faktisi boıynsha sotqa deıingi tergeý amaldary júrgizilýde. Kúdiktiniń múlki tárkilenip, 10 jyldan 15 jylǵa deıin bas bostandyǵynan aıyrylýy múmkin. Ustalǵan azamat Astana qalasy IID ýaqytsha ustaý ızolıatoryna qamaldy.
