Mal urlyǵynyń aldyn alyp, jolyn kesý, urylardy anyqtap, qylmystyq jaýapkershilikke tartýdy maqsat tutqan jedel is-sharaǵa oblystyq polısııa departamentiniń jeke quramy jumyldyryldy.
Departamenttiń barlyq qyzmet salalarymen birlese bekitilgen josparǵa saı júrgizilgen jumys nátıjesinde polıseıler eki kúnde 14 derekti áshkereledi. Onyń ishinde ótken jyldary jasalǵan qylmystar da bar. Jedel jumystardyń nátıjesinde «malym qoldy boldy» dep aryzdanǵan keı turǵynnyń joǵaltqany jaıylymnan tabylyp, 14 qylmystyq is óndiristen toqtatyldy.
Urlanǵan jáne joǵalǵan 20 bas mal tabylyp, ıelerine qolhatpen qaıtaryldy. Árıne, urlyqty anyqtaý – polıseılerdiń mindeti. Biraq ıesi de malyna qyraǵy bolǵany jón-aq. Áıtpese, «aıdaı saldan az óldi, kóre saldan kóp óldiniń» jyry jýyrda taýsylmaıdy. Biz áli uqyptyny ury almaıtynyna mán bermeı kelemiz.
Jedel is-shara kezinde barlyq aýdandar men oblys ortalyǵynda mal jáne et ónimin tasymaldaý faktilerin anyqtap, et satatyn bazarlar men oryndardy tekseretin mobıldik toptar jumys istep, mal jáne et tasymaldaǵan 410 avtokólik, et ónimderin satatyn 166 oryn, 100 fermerlik sharýashylyq tekserildi.
Qyzylorda oblysy
