Lexus RX júrgizýshisi patrýldik kóliktiń artqy jaǵynan soqqan. Qaqtyǵys kezinde polıseıler ózge zaqymdanǵan Audi kóligin Shachman júk kóliginiń kómegimen evakýasııalap jatqan.
Lexus RH júrgizýshisi keıin ınersııamen Shachman júk kóligimen de soqtyǵysqan.
Apat saldarynan zardap shekken eki adam aýrýhanaǵa jetkizilip, medısınalyq kómek kórsetilgennen keıin úılerine jiberildi.
«Medısınalyq kýálandyrý nátıjesi kórsetkendeı, kináli júrgizýshi jeńil dárejede alkogoldik masań kúıde bolǵan. 59 jastaǵy júrgizýshige qatysty QR ÁQBtK-niń 608-baby 3-bóligi boıynsha ákimshilik hattama toltyryldy. Materıal sotqa joldandy», dep jazylǵan Rolisia.kz taratqan habarlamada.
