Polıseıler anyqtaǵandaı, Túrkistan kósheleriniń birinde belgisiz kólik jaıaý júrginshiler ótkelinde joldy kesip ótip bara jatqan eki áıeldi qaǵyp, oqıǵa ornynan boı tasalaǵan. Jol-kólik oqıǵasy saldarynan túrli dene jaraqattarymen jaıaý júrginshiler aýrýhanaǵa jetkizildi.
Atalǵan fakt birden eki bap boıynsha, Qazaqstan Respýblıkasy Qylmystyq kodeksiniń 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný erejelerin buzýy» boıynsha, jáne Qazaqstan Respýblıkasy Qylmystyq kodeksiniń 347-baby «Jol-kólik oqıǵasy bolǵan jerden ketip qalý» boıynsha tirkeldi. Oqıǵa bolǵan jerdi qaraý kezinde aına synyqtary jáne basqa da aıǵaq zattar alyndy.
Qoldanylǵan sharalar nátıjesinde polıseıler olardyń VAZ-2106 avtokóligine tıesili ekenin anyqtady. Polıseıler 24 saǵat ishinde júrgizýshini turǵylyqty jerinde anyqtady. Kólik aıyppul turaǵyna qoıyldy. Qazir tergeý amaldary júrgizilýde.
