Álıhan Smaıylov «ArselorMıttal Temirtaý» (AMT) kásipornyndaǵy qaýipsizdik jaǵdaıyna asa alańdaýshylyq bildirdi.
О́z kezeginde Vıdjeı Goıal adam ólimine ákelgen qaıǵyly jaǵdaılarǵa baılanysty kóńil aıtyp, jumysshylardyń qaýipsizdigin qamtamasyz etýdegi AMT-niń jaýapkershiligin moıyndady. Ol ArcelorMittal kompanııasy óndiristik qaýipsizdikti kúsheıtý jumystaryn jalǵastyratynyn rastady jáne kompanııanyń qaıtys bolǵan jumysshylardyń otbasylaryna tolyq qoldaý kórsetetine ýáde berdi.
Sonymen qatar Vıdjaı Goıal AMT basshylyǵy Bas prokýratýra júrgizip jatqan tergeýge tolyq kómek kórsetýge daıyn ekenin atap ótti.
Kezdesý qorytyndysy boıynsha Indýstrııa jáne ınfraqurylymdyq damý mınıstrligi men AMT arasynda memorandýmǵa qol qoıyldy, oǵan sáıkes qazaqstandyq tarap kompanııanyń jumysyn baǵalaý úshin halyqaralyq sarapshylardy tartatyn bolady.
Bul rette AMT baǵalaý júrgizý kezinde óndiris kólemin, kásiporyndaǵy jumyspen qamtý jáne jalaqy deńgeıin saqtaýǵa mindetti bolady.
