Atalmysh doda 3 jas mólsherin (eresekter, jastar jáne jasóspirimder) qamtyǵan alǵashqy Álem chempıonaty. Jarys baǵdarlamasyna sáıkes jasóspirimder men jastar, árqaısysy 5 salmaq dárejesinde kil myqtyny anyqtaıdy. Al eresekter 12 salmaq dárejesinde (erler 8, áıelder 4) beldesedi.
Álemdik dodada ulttyq quramanyń ókilderi – Bekjan Tólepov (55 kg.), Marat Nıgmatýllaev (60 kg.), Nur Amanshúkirov (66 kg.), Jumajan Qojambekov (74 kg.), Aıdyn Dartaev (82 kg.), Toqtarbek Aıdarbek (90 kg.), Marat Baıqamurov (100 kg.) jáne Nurdáýlet Jarylǵapov (+100 kg.) eresekter arasynda el namysyn qorǵaıdy.
Elimizdegi qazaq kúresinen úsh federasııanyń basyn biriktirip, ulttyq kúresimizdi el ishinde jáne sheteldik arenada nasıhattap júrgen Qazaq kuresi Assosıasııasy bıyl Birikken kúres áliminiń (UWW) quramyna kirgen bolatyn. Aldaǵy ýaqytta barlyq halyqaralyq jarystar UWW-men birlesip ótkiziledi.
Qazaq kuresi Assosıasııasy qazaq kúresinen Álem chempıonatyn QR Mádenıet jáne sport mınıstrliginiń, «Samuryq-Qazyna» ulttyq ál-aýqat qory» aksıonerlik qoǵamynyń, «Týrızm men sportty qoldaý jáne damytý qory» korporatıvtik qorynyń, «Sátti juldyz» biregeı lotoreıa operatorynyń jáne Dene shynyqtyrý jáne buqaralyq sport Akademııasynyń qoldaýymen uıymdastyrylady.
