«Pavlodar Energo» kompanııasynyń málimetinshe, qalany jylýmen qamtý júıesine 5,5 myńǵa jýyq turǵyn úı qosylǵan. 11 jeltoqsandaǵy jaǵdaı boıynsha Ekibastuzda olardyń 29-y áli jylýsyz otyr.
«Jeke sektorda sandar turaqty túrde ózgerip otyrady. О́tken túnde 38-ge jýyq jeke turǵyn úı jylýsyz qaldy, endi 29-yn jylýmen qamtý qaldy. Jumys tańnan keshke deıin jalǵasýda, oǵan 400-ge jýyq adam jumyldyrylǵan. Turǵyndardan jylytýǵa qatysty kóptegen suraqtar kelip túsýde. Qazir jylýmen jabdyqtaý júıesin teńgerimdeýmen aınalysatyn bes retteýshiler toby bar», dedi Ekibastuz qalasynyń ákimi Aıan Beısekın.
Qala ákiminiń aıtýynsha, jergilikti jylý qyzmetkerlerine pavlodarlyq mamandar kómekke kelgen.
Eske salaıyq, 28 qarashada Ekibastuzda tótenshe jaǵdaı jarııalanǵan bolatyn. Odan keıin qala bıliginiń málimetinshe, saǵat 01:30-daǵy jaǵdaı boıynsha 17 kópqabatty turǵyn úı, bes áleýmettik jáne zańdy tulǵalardyń 21 nysany jylýsyz qalǵan.
8 jeltoqsanda Ekibastuzda tótenshe jaǵdaı rejımi alyndy.
