Alkogoldik ishimdikter ishpeńiz, mas adamnyń denesi tez tońazıdy. Úsik alǵandyǵy týraly belgilerge nazar aýdara almaıdy. Sýyqta temeki shekpeńiz, temeki shegý adamnyń perıferııalyq qan aınalymyn azaıtady, aıaq-qoldy álsiretedi.
Keń kıim kıińiz, bul qannyń qalypty aınalymyna yqpal etedi. Syrtqy kıim mindetti túrde sý ótkizbeıtin bolýy kerek.
Qolǵapsyz, qalpaqsyz jáne sharfsyz aıazǵa shyqpańyz. Jeldi, sýyq aýa raıynda, syrtqa shyqpas buryn, deneniń ashyq jerlerin arnaıy kremmen maılańyz.
Aıazda uzaq serýendegennen keıin úıge oralǵanda, aıaq-qoldyń, arqanyń, qulaqtyń, murynnyń jáne t.b. úsip qalmaǵanyna kóz jetkizińiz.
Serýendeý kezinde siz tońǵanyńyzdy sezseńiz, jylyný úshin múmkindiginshe kez - kelgen jyly jerge, atap aıtqanda dúkenge, dámhanaǵa, úıge kirińiz.
Eger sizdiń kóligińiz eldi mekennen alys nemese beıtanys jerde toqtap qalsa, kólikte qalyp, telefon arqyly kómek suraǵanyńyz jón nemese jolda basqa kóliktiń ótýin kútken durys.
Jelden qorǵanyńyz, jelde úsik alý yqtımaldyǵy áldeqaıda joǵary.
Sýyqta uzaq serýendeý úshin ózińizben birge aýystyratyn bir-eki shulyq, qolǵap jáne ystyq shaı termosyn alyp júrgen jón.
Balalarda deneniń jylý rettelýi áli tolyq qalyptaspaǵanyn este ustaǵan jón. Sondyqtan, balany aıazdy kúni dalaǵa serýendeýge jibergende, oǵan ár 15-20 mınýt saıyn jyly jerge kirý kerek ekenin umytpańyz.
Eger oqıǵalar oryn alsa, 112 nómirine qońyraý shalyńyz.
