BUQARA ARASYNDAǴY BEDELDI QURYLYM

“Astana qalasy men Aqmola oblysy bilim jáne ǵylym qyzmet­ker­leri kásipodaǵy” qoǵamdyq bir­lestiginiń Esil aýdandyq fılıaly óńirdegi ónegeli isterdiń uıytqysy retinde zor bedelge ıe. Ony 2008 jylǵy quryltaı konferensııasy biraýyzdan saılaǵan ulaǵatty ustaz Janat Kókkózova basqarady. Kásipodaq keńesi jalpy bilim be­re­tin 30 mekteptiń, jastar shyǵar­ma­shy­lyq úıiniń, balalar mýzyka mek­tebiniń, “Gúlder” balabaqshasynyń, kásibı mektep pen balalar úıiniń ujy­myn biriktiredi. Bilim mekeme­lerinde 1193 adam qyzmet atqarsa, sonyń 1174-i kásipodaq múshesi ekendigi bedel belesiniń bıiktegenin bildiredi. Aýdandyq keńes pen kásipodaq komıtetterinde jumys berýshilermen ekijaqty kelisim men ujymdyq shart jasalǵan. Munda qyzmetkerlerdiń áleýmettik suranystaryna, eńbek qa­tynastaryna, kásipodaq músheleriniń demalysy men saýyqtyrylýyna, olar­dy marapattaý men qosymsha eńbek demalysyn belgileý, taǵy basqa máselelerge aıryqsha kóńil bólinedi. Qabyldanǵan sheshimniń oryndalýy baqylaýdan túsken emes. Sondaı-aq, kásipodaq otyrystarynyń hat­ta­masymen tanysqan kisi eńbekaqynyń ýaqytynda tólenýi, eńbekke ýaqytsha jaramsyzdyq qaǵazdaryn júrgizý, zeınetaqy qorlaryna jarna qara­jatyn aýdarý, kásipodaq músheleriniń ótinish-tilekterin qaraý da basty baǵyt sanalatynyn ańǵarady. Osy­nyń arqasynda sońǵy bes jylda ádistemelik birlestikter jetek­shi­le­rine 15 paıyzdyq, aýyl múǵalimderine 25 paıyzdyq ústeme tólenip keledi. Jyl saıyn “Jyl muǵalimi”, “Úzdik synyp jetekshisi”, “Jas ustaz”, “Úzdik kásipodaq uıymy” sııaqty baı­qaý­lar ótkizýdiń ónegeli qyrlary kóp. Jas mamandar men aýylǵa at­tanǵan muǵalimderge jeńildikter qarastyrý da kún tártibinen túsken emes. Sonyń bir aıǵaǵy retinde kásipodaq birlestiginiń usynysymen segiz muǵalimniń Esil qalasynda jańadan salynǵan úıden páter alýyn aıtar edik. Baqbergen AMALBEK, Aqmola oblysy.