Olar Qazaqstan Respýblıkasy Qarýly Kúshteriniń qataryna kire otyryp, túrli áskerı mamandyqtardy ıgerip, Otanymyzdyń áýe shepterin qorǵaý jolynda boryshyn abyroımen oryndaıdy.
- Qyzmet etken on eki aı ishinde ofıserler men serjanttyq quramnyń, sondaı-aq ózderińizdiń eńbekqorlyǵyńyz ben jaýapkershiligińizdiń arqasynda kez kelgen ýaqytta bizdiń áýe shepterimizdi qorǵaýǵa daıyn naǵyz jaýynger bolyp shyǵatyndaryńyzǵa berik senimdimin. Sizderge densaýlyq, amandyq jáne tabysty qyzmet tileımin! - dep túıindedi polkovnık Orynasar Jubanov.
Qostanaı oblystyq qorǵanys isteri departamentiniń jıyn pýnktinde tájirıbeli dárigerler men psıhologtar olardyń moraldyq-psıhologııalyq jaǵdaıy men densaýlyǵyn anyqtaı otyryp, muqııat irikteý júrgizdi.
Al áskerı bólimge kelgennen keıin bir aı ishinde áskerge shaqyrylýshylar jas tolymnyń jıyny baǵdarlamasy boıynsha kýrstan ótti. Ol kezde olar qyzmet ótkeretin bólimniń tarıhy men dástúrlerimen tanysty, tehnıka men qarý-jaraqtyń taktıkalyq-tehnıkalyq sıpattamalaryn, saptyq, memlekettik-quqyqtyq jáne atys daıarlyǵynyń negizderin zerdeledi.
Áskerı ant qabyldaǵasyn, sarbazdardyń ata-analaryna ekskýrsııa uıymdastyryldy.
