Aýyl jastardyń qoldaýyn kútedi

Forýmda jastar kótergen basty másele – aýyl jurtshy­ly­ǵynyń qazirgi turmys-tir­shiligi. Olar «aýyl-aımaq gúl­de­nip, qalalyq deńgeıge deıin órkendeýi qajet», deıdi.

– Jastar aýyldyń tur­my­syn túzep, damytý kerek deıdi. Árıne, bul oryndy pikir. Biraq aýyldyń ózindik ereksheligin joǵaltýǵa bolmaıdy. Eger olaı iste­sek, ondaǵy jaqsy úrdis­ter­den aıyrylyp qalamyz. Qaı­­maǵy buzylmaǵan aýyldardy saqtap qalý mańyzdy. Jas býynnyń aıtýynsha, aýyldarda eski júıeniń ekpini seziledi. Sodan qutylý kerek shyǵar deıdi. Shyn máninde oılanatyn nárse, – dedi «Aýyl» partııasy tóraǵasynyń orynbasary Anas Baqqojaev.

Sonymen qatar jańa býyn ókilderi ınfraqurylym, aýyl jastaryn damytý jáne qol­daý, elimizde ońtaıly jastar saıasatyn qalyptastyrý, eldi mekenderde sportty damytý máselelerin sóz etti. Máse­len, olar deneshynyqtyrý muǵa­lim­deriniń jalaqysyn ósirip, aqsha eselegennen góri barlyq qural-jabdyǵy bar sport orta­ly­ǵyn qarjylandyrý qajet, degen pikir bildirdi.

Forýmda partııa tóraǵasy Álı Bektaev memlekettik she­shim­­der qabyldaýda jastar pi­kiriniń mańyzdylyǵyn atap ótti.

Osy ýaqyt ishinde aýyl jas­tary eldiń qoǵamdyq-saıası ómirine bel­sendi qatysa bastady. Bıylǵy forým­nyń ereksheligi, jastar Mem­le­ket basshysy Qasym-Jomart Toqaev usynǵan aýyl­dyq aýmaqtardy damytý tujy­rym­­­damasy týrasynda óz usy­nystary men ıdeıalaryn usyn­dy, – dedi Á.Bektaev.

Is-sharaǵa aýylda isin dóńge­le­tip otyrǵan bıznes ókilderi de qatysty. Medısınalyq ta­ýar­lar óndirýmen aınalysatyn jas ǵalym, kásipker Almas Muhametov aýylda bıznesti da­mytý tıimdi ári mańyzdy deı­di. Qazir ol medısınalyq bu­ıymdar shyǵaryp, Almaty ob­lysyndaǵy aýyl turǵyndaryn ju­myspen qamtyp jatyr. Son­daı-aq Aqmola oblysynyń Selınograd aýdanyna qarasty Prırechenka aýyldyq okrýginiń jas ákimi Meıirhat Jandildın aýyldy basqarý tájirıbesimen bólisti. Al stýdenttik ombýds­men Aısulý Ernııazova aýyl jastarynyń joǵary bilimge teń qoljetimdiligin qamtamasyz ete­­tin baǵdarlamalardy ortaǵa saldy.

Forýmǵa qatysýshylar budan buryn «Dıplommen – aýylǵa!» memlekettik baǵdar­la­masyna ózge­rister engizý qajettigi týra­ly «Aýyl» partııasy usyn­ǵan usynystaryn qolda­dy. «Jas­tar­dyń barlyq usynysy aldaǵy ýaqytta par­tııanyń baǵ­dar­lamalyq qujat­ta­ryna aına­lady», dedi partııa bas­shy­lyǵy.