Saılaýaldy tuǵyrnama sheńberinde Energetıka mınıstrliginiń oryndaýynda 8 tapsyrma bar. Úkimettiń keńeıtilgen otyrysynyń qorytyndysy boıynsha Memleket basshysy aıtqan 3 tapsyrma oryndaýǵa qabyldandy.
Energetıka mınıstriniń aıtýynsha, respýblıka úshin ekonomıkalyq tıimdilikti arttyrý maqsatynda ádil ekonomıka bóliminde iri munaı gaz jobalarynyń seriktesterimen olardy damytýdyń Keshendi josparyn qabyldaý boıynsha jumys júrgiziledi.
2029 jylǵa qaraı Shymkent munaı óńdeý zaýytyn 9 mln tonnaǵa deıin keńeıtý jobasyn aıaqtaý josparlanýda. Bul qaıta óńdeý kólemin jylyna 21 mln tonnaǵa deıin arttyrýǵa múmkindik beredi.
«Eksport baǵyttaryn ártaraptandyrý jónindegi tapsyrma sheńberinde Munaı eksportynyń balamaly baǵyttaryn damytý jónindegi jol kartasynyń jobasy ázirlendi. Osylaısha, Ázerbaıjan, Grýzııa jáne Túrkııa porttary baǵytynda Transkaspıı halyqaralyq kólik baǵytyn damytýǵa, sondaı-aq Qytaı Halyq Respýblıkasy men Iranǵa eksporttyq baǵyttarǵa basa nazar aýdarylady», dedi B. Aqsholaqov.
Memleket basshysy 2029 jylǵa qaraı taýarlyq gaz óndirisiniń kólemin 30 mlrd tekshe metrge deıin jetkizý mindetin qoıdy. Qashaǵan ken ornynda qýaty 1,1 mlrd tekshe metr jáne 2 mlrd tekshe metr ilespe gaz óńdeý boıynsha 2 zaýyt salynady.
Budan basqa, 2023 jyly «Jaıyqmunaı» gaz óńdeý zaýytynda Qarashyǵanaq gazyn óńdeý boıynsha sheshim qabyldanady, bul gazdy óńdeýdi 4 mlrd tekshe metrge ulǵaıtýǵa múmkindik beredi.
Memleket basshysy qoıǵan mańyzdy máselelerdiń biri – halyqty gazben qamtamasyz etý. Ekonomıka mınıstrligi halyqty gazdandyrý deńgeıin 2029 jylǵa qaraı 65%-ǵa deıin jetkizýdi josparlap otyr, bul 12 mln adamdy tabıǵı gazben qamtamasyz etedi.
Energetıkalyq qaýipsizdik máselelerin kúsheıtý úshin:
– 2029 jylǵa qaraı 3,7 GVt energııa generasııalaıtyn qýattar engiziletin bolady, onyń ishinde: 1,8 GVt elektr stansııalaryn jańǵyrtý jáne 1,9 GVt jańa bý-gaz qondyrǵylaryn salý.
– 2026 jylǵa qaraı jańartylatyn energııa kózderiniń 50-den astam obektisi iske qosylady, osylaısha jańartylatyn energııa óndirisiniń kólemi 1,5 ese ósedi jáne el boıynsha elektr energııasynyń jalpy óndirisinde 7%-ǵa jetedi.
2029 jylǵa deıin Ulttyq elektr jelisin jańǵyrtý, onyń ishinde Batys Qazaqstannyń elektr jelilerin Biryńǵaı elektr energetıkasy júıesine qosý boıynsha jumystar júrgiziledi.
Energetıka mınıstrligi jumys istep turǵan jylý elektr ortalyqtarynyń máselerin joıý boıynsha birqatar sharany pysyqtaýda.
Birinshiden, ázirlenip jatqan «Tarıfti ınvestısııaǵa aıyrbastaý» baǵdarlamasy mynadaı múmkindikterdi beredi, onyń ishinde:
– salaǵa jyl saıyn 400 mlrd teńgege deıin ınvestısııalar tartýǵa;
– 2035 jylǵa qaraı generasııalaıtyn qýattardyń tozý deńgeıin 15%-ǵa tómendetýge;
– naryq qatysýshylarynyń qarsy mindettemelerimen qamtamasyz etýge múmkindik beredi.
Ekinshiden, 2023 jyly «Jylý energetıkasy týraly» zań qabyldanady, ol óńirlerdi jylýmen jabdyqtaý problemalaryn sheshýge nazar aýdarýǵa múmkindik beredi. Onyń sheńberinde Atomdyq jáne energetıkalyq qadaǵalaý men baqylaý komıtetiniń róli kúsheıtiledi. Zań elektr energııasyn ortalyqtandyrylǵan satyp alý jáne satýdy, sondaı-aq naqty ýaqyt rejıminde teńgerimdeýshi naryqty engizýdi kózdeıtin naryqtyń jańa maqsatty modeline kóshýdi kózdeıdi.
Úshinshiden, 2023 jyldyń 1 toqsanynda eldiń barlyq Jylý elektr ortalyqtary jáne elektr jelileriniń aýdıti aıaqtalady, bul problemalardy jáne olardyń aǵymdaǵy tehnıkalyq jaı-kúıin anyqtaýǵa múmkindik beredi. Budan ári Memleket basshysynyń tapsyrmasy boıynsha árbir kúrdeli ınfraqurylym obektisi boıynsha sheshimder qabyldanady.
