«Taǵy bir mańyzdy másele respýblıkalyq jáne oblystyq mańyzy bar joldardy uıaly baılanys pen ınternetke qosý. Internet qazir osy joldardyń 25 paıyzynda ǵana qoljetimdi», dedi Baǵdat Mýsın Úkimet otyrysynda.
Onyń aıtýynsha, 2027 jylǵa qaraı bul joldardyń 100 paıyzy ınternet pen uıaly baılanyspen qamtylady.
«Bul is-sharalar «Qoljetimdi Internet» ulttyq jobasy aıasynda operatorlarǵa beriletin salyqtyq preferensııalardy jáne olardyń ınvestısııalary men respýblıkalyq jáne jergilikti bıýdjetterdiń shyǵystaryn qarjylandyrý arqyly júzege asyrylady», dep qosty ol.
