Ozyq qoldanbaly ǵylym baǵyty boıynsha ǵylymı zertteý jáne tájirıbelik-konstrýktorlyq jumystardy jeke ınvestorlar úshin birlesip qarjylandyrý tetigin jáne qosymsha salyq jáne ınvestısııalyq preferensııalardy kózdeıtin ǵylym máseleleri boıynsha zańnamaǵa ózgerister engizý týraly joba ázirlendi. Nátıjesinde 2029 jylǵa qaraı kommersııalandyrý jobalaryn jeke qarjylandyrýdyń úlesin 50%-ǵa deıin ulǵaıtý josparlanýda.
Jyl saıyn ǵylymnyń 10 basym baǵyty boıynsha kommersııalandyrý jobalaryn granttyq qarjylandyrý boıynsha konkýrstar ótkiziledi. Sonymen birge «Samuryq-Qazyna» Ulttyq ál-aýqat qory ǵylymı-tehnologııalyq bastamalar ortalyǵynyń qarajaty sheńberinde ǵylymı zertteý jáne tájirıbelik-konstrýktorlyq jumystardy qarjylandyrýdy engizý kózdelgen.
Kelesi shara jetekshi joǵary oqý oryndary men iri kásiporyndardyń janynan mamandandyrylǵan ınjınırıngtik ortalyqtar men ǵylymı-tehnologııalyq parkter qurýǵa qatysty bolady.
«JOO ınfraqurylymyn damytýǵa yqpal etetin endaýment-qorlardy qurýdyń halyqaralyq praktıkasy kezeń-kezeńimen engizilýde. 2029 jylǵa qaraı 20 akademııalyq sheberlik ortalyǵy men ǵylymı-zertteý habyn qurý josparlanýda», dedi S. Nurbek.
Onyń aıtýynsha, ǵylymı-tehnologııalyq jabdyqtardy satyp alý jáne jańa zerthanalar qurý baǵdarlamaly-nysanaly qarjylandyrýdyń jańartylǵan tetigi sheńberinde júzege asyrylady.
Sonymen qatar Memleket basshysynyń tapsyrmasy boıynsha Ǵylym jáne tehnologııalar jónindegi Ulttyq keńes qurylady. Ǵylym men tehnologııalardy damytý salasyndaǵy memlekettik saıasattyń maqsattary men mindetterin úndestirý úshin «Ǵylym jáne tehnologııalyq saıasat týraly» jańa zańnyń tujyrymdamasyn ázirleý jumystary bastaldy. Barlyq múddeli memlekettik organdar men qoǵam ókilderinen jumys toby qurylady.
Qoljetimdi jáne sapaly bilim baǵyty boıynsha JOO stýdentteriniń stıpendııasy 2 esege ulǵaıtylady. Stıpendııany 2025 jylǵa deıin kezeń-kezeńimen arttyrý qoldanystaǵy jol karta sheńberinde iske asyrylady. 2026-2030 jyldar aralyǵyndaǵy jumys osy tapsyrma sheńberinde jalǵasyn tabady.
Barlyq stýdentterge bilim alý úshin qajetti álemdik sıfrlyq resýrstarǵa qoljetimdilik qamtamasyz etiledi. Sonyń ishinde Coursera, «EdX» jáne t. b.
«Joǵary oqý oryndarynyń oqý-ádistemelik birlestikteri olardy bilim berý baǵdarlamalaryna engizý úshin ózekti kýrstardy irikteý boıynsha taldaý júrgizdi. Bul kýrstarǵa akademııalyq kredıtter kózdeledi», dedi Ǵylym jáne joǵary bilim mınıstri.
О́tkizilgen jumys qorytyndysy boıynsha bilim berý baǵdarlamalaryna engizý úshin ózekti kýrstar irikteldi. 654 Coursera kýrsy men 650 bilim berý baǵdarlamalarynyń tizimi jasaldy jáne ol 1500 pánge qoldanylýy múmkin. Sondaı-aq «álemdik sıfrlyq kitaphanalarǵa» jazylý jáne «Coursera», «EdX» kýrstaryn qazaq tiline aýdarý josparlanýda.
Ǵylym jáne joǵary bilim mınıstriniń aıtýynsha, stýdenttik jataqhanalarda oryn tapshylyǵy máselesin sheshý úshin jataqhanalar salý kezinde memlekettik tapsyrysty ornalastyrý merzimin 8 jyldan 6 jylǵa deıin qysqartý jáne jataqhanadaǵy bir orynǵa memlekettik tapsyrystyń mólsherin 122 AEK-ten 195 AEK-ke deıin, Almaty qalasy úshin 144 AEK-ten 230 AEK-ke deıin ulǵaıtý arqyly qoldanystaǵy memlekettik-jeke áriptestik tetigin jetildirý boıynsha jumys júrgizilip jatyr. Sonymen qatar jataqhanalar salý úshin jeke qurylys kompanııalaryn tartý jáne memlekettik joǵary oqý oryndarynyń jarǵylyq kapıtalyn ulǵaıtý jónindegi sharalar pysyqtalady. Sondaı-aq álemdik deńgeıdegi kampýstar – QazUZÝ qalashyǵy men EUZÝ qalashyǵyn salý josparlanýda.
Memlekettik tildi damytý jáne qoldanys aıasyn keńeıtý úshin 2023-2028 jyldarǵa arnalǵan til saıasatyn iske asyrý jónindegi tujyrymdama ázirlenedi. Úkimet janynan memlekettik til saıasatyn iske asyrý jónindegi komıssııa quryldy.
«О́ńirlik semınarlar, respýblıkalyq konkýrstar ótkizý jáne azamattardyń tildik belgileri boıynsha quqyqtaryna nuqsan keltirýge jol bermeýge qatysty ádistemelik usynymdar ázirleý boıynsha jumystar júrgizilýde», dedi Saıasat Nurbek.
