Zań jobasyna sáıkes, Qazaqstanda kásipter retteletin jáne rettelmeıtin bolyp ekige bólinedi. Retteletinder jumysshylardyń mindetti attestasııasyn talap etedi. Bul sanatqa negizinen dárigerler, órt sóndirýshiler nemese zańgerlerdi qosa alǵanda, azamattardyń densaýlyǵy men qaýipsizdigin qamtamasyz etýge baılanysty kásipter kiredi. Memleket rettemeıtin kásipter úshin attestasııa erikti bolady.
«Táýelsiz attestattaýdan ótken bilim berý uıymdarynyń túlekterinde naqty mamandyq boıynsha kásiptik oqýdy aıaqtaǵanyn rastaıtyn dıplom jáne alǵan bilimin praktıkada qoldaný daǵdylaryn rastaıtyn sertıfıkat bolady. Jumys berýshilerge sertıfıkaty bar túlekterdi eńbek ótiline talaptar qoımaı-aq jumysqa qabyldaýǵa múmkindik beriledi», dedi Eńbek jáne halyqty áleýmettik qorǵaý mınıstri Tamara Dúısenova.
Mınıstrdiń aıtýynsha, erikti negizde attestattaýdy túrli úıirmelerde, trenıngterde nemese óz betinshe oqý nátıjesinde jumysshy mamandyqtaryn ıgergen adamdar ala alady. Bul jaǵdaıda anyqtama jumysshy mamandyqtary boıynsha jumysqa ornalasý úshin negizgi qujat bola alady.
Sertıfıkattaý aqyly negizde beriledi. Jumyssyz azamattardyń qyzmetterine aqy tóleýdi memleket derbestendirilgen vaýcherler arqyly, jumys berýshi óz qyzmetkerlerin attestasııaǵa jibergen kezde nemese azamattardyń óz erkimen biliktiligin baǵalaýdan ótken kezde tóleıdi.
