Qazir «aqsaqaldardy syılaý kerek, salt-dástúrimizden aıyrylmaýymyz kerek» degendi jıi urandatyp jatsaq ta sony oryndaıtyn ákimder az. Bári de búgingi kúnniń shyrǵalańymen ejelgi dástúrdiń mańyzyn umytyp ketip jatady. Tek jiliginde tektilik bar, kórgendi azamattar ǵana mundaıdan attamaıdy. Qazaq qoǵamy eshqashan da aqsaqaldardyń sózin, paıdaly lebizin aıaqqa baspaǵan. Sonyń arqasynda basynan baq taımaǵan. Aıdarbek Saparov sony eskeretin jigit ekenin kórsetti.
«Búgin óńirimizdiń aqsaqaldarymen kezdesip, batasyn aldym. Oblystyń damýyna kóp úles qosqan aǵa býynnyń bizge aıtar aqyl-keńesteri kóp. Qarııalardy oblystyń damý josparymen tanystyryp, júzege asyrylatyn jobalar týraly da aıttym. Ardagerler ár salany jaqsartý boıynsha birshama jaqsy, paıdaly usynystar aıtty. Barlyq usynystardy qabyldap, óńirdi damytý josparyna qosamyz», dep jazdy óziniń Tvıtterdegi paraqshasynda.
Jańa ákimniń jaqsy qadamyna aqsaqaldar da razy bolyp, ótken kúnderdiń órnekti kezeńderin eske alyp, rıza kóńilmen tarasty.
