Keme kapıtany Ivan Pavlovtyń aıtýyna qaraǵanda, balyqshylar Kaspıı teńizinen balyq aýlap kele jatqan. Kemege 7 tonna balyq tıelgen. Jaıyq ózenine ótýge 6 shaqyrymdaı qalǵanda, sý kóligi taıaz jerge tirelip qalǵan. Onyń muz qursaýynda turǵanyna 3 apta bolǵan.
– Teńiz jaqtan qatty jel soqsa, sý keletin edi. Biz sondaı sátti kúttik. О́ıtkeni taıaz jerden shyǵyp ketý múmkin emes. Kún kúrt salqyndap, kememiz muzdyń qursaýynda qaldy. Endi kún saıyn tańerteń muzdy oıyp júrmiz. Sebebi muz qalyńdyǵy ártúrli – bir túnde 5 sm, keıde 3 sm bolady. Muz qalyńdap, kemeni qysatyn bolsa, korpýsyn jaryp jiberedi, – deıdi Ivan Pavlov.
Muz qursaýyndaǵy kemeni «Amangeldi» JShS balyqshylary kúzetip júr. Balyqshylar kemeniń muz qursaýynda qalýyn kanaldar túbiniń tereńdetilmeýimen baılanystyryp otyr.
Oblystyq balyq sharýashylyǵy basqarmasynyń basshysy Artýr Sádibekulynyń málimetinshe, Jaıyq ózeninde tereńdetý jumysyn júrgizýge 7 mlrd, Qıǵash ózeni boıynsha 11 mlrd teńge qajet. Osyǵan baılanysty usynys ta, suranys ta tıisti organdarǵa, mınıstrlikke joldanǵan.
Atyraý oblysy
