Aldaǵy Palata otyrysynda «Aglomerasııalardy damytý týraly», «Qazaqstan Respýblıkasynyń keıbir zańnamalyq aktilerine aglomerasııalardy damytý máseleleri boıynsha ózgerister men tolyqtyrýlar engizý týraly», «О́simdikter dúnıesi týraly» jáne «Qazaqstan Respýblıkasynyń keıbir zańnamalyq aktilerine ósimdikter dúnıesi jáne erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» zań jobalary qaralady.
«Aglomerasııalardy damytý týraly» jáne «Qazaqstan Respýblıkasynyń keıbir zańnamalyq aktilerine aglomerasııalardy damytý máseleleri boıynsha ózgerister men tolyqtyrýlar engizý týraly» ilespe zań jobalary Memleket basshysynyń 2021 jylǵy 1 qyrkúıektegi tapsyrmalaryn oryndaý maqsatymen ázirlendi. Jańa normalar aglomerasııalardy qalyptastyrýǵa jáne damytýǵa qajetti quqyqtyq jaǵdaı jasaýdy kózdeıdi. Osy zań jobalaryn qabyldaý oblystardyń, respýblıkalyq mańyzy bar qalalardyń jáne astananyń jergilikti atqarýshy organdarynyń qala qurylysyn josparlaý, kólik ınfraqurylymyn josparlaý, sáýlet jáne qurylys qyzmeti, sondaı-aq bıýdjettik prosesterdi iske asyrý salasyndaǵy ókilettikterin keńeıtýge múmkindik beredi.
«О́simdikter dúnıesi týraly» jáne «Qazaqstan Respýblıkasynyń keıbir zańnamalyq aktilerine ósimdikter dúnıesi jáne erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» zań jobalarynyń negizgi maqsaty – ósimdikter dúnıesin qorǵaý, qalpyna keltirý jáne olardy paıdalaný salasyndaǵy qatynastardy retteýdi qamtamasyz etý, sondaı-aq, tabıǵı ártúrlilikti jáne ósimdikterdiń jabaıy túrleriniń genofondyn saqtaý, olardy utymdy paıdalaný úshin quqyqtyq negiz qalyptastyrý.
Sonymen qatar senatorlar beısenbide ótetin otyrysta Palata Reglamentine engiziletin ózgerister týraly máseleni qaraıdy.
Sondaı-aq Bıýro otyrysynda kelesi Senat otyrystary 26 jáne 29 jeltoqsan kúnderi ótetini belgili boldy.
Odan bólek, otyrys barysynda Májilisten kelip túsken zań jobalary jumys úshin Senattyń turaqty Komıtetterine bólinip berildi.
