«Prezıdent Qasym-Jomart Toqaevtyń atyna jýrnalıst Mıhaıl Kozachkovqa qatysty júrgizilip jatqan tergeý jumystaryna oraı birqatar medıa qoǵamdastyq ókili úndeý joldady. Osyǵan baılanysty bul is Qazaqstan Respýblıkasynyń zańnamasyna sáıkes tek quqyq sheńberinde qaralýǵa tıis ekenin atap ótý qajet. Bas prokýratýra tergeýdiń zańdylyǵyn qadaǵalaýdy qamtamasyz etýge jáne zańnamada belgilengen tártippen qajetti túsiniktemeler berýge mindetti. Qazaqstan azamaty retinde jýrnalıstiń barlyq zańdy quqyǵy tolyq saqtalýǵa tıis», dep jazdy R. Jeldibaı.
Buǵan deıin jýrnalıst Mıhaıl Kozachkovtyń uıymdasqan qylmystyq toptarǵa qatysy bar degen kúdikpen ustalǵany habarlanǵan bolatyn. Qarjy monıtorıngi agenttiginiń málimetinshe, ol Qospaevtyń uıymdasqan qylmystyq tobyna reıderlik shabýyldar jasaýǵa kómektesken. Uıymdasqan qylmystyq top 11 qatysýshydan turdy, olardyń beseýi qamaýǵa alyndy, altaýy, onyń ishinde uıymdastyrýshy Qospaev Eldosqa izdeý jarııalandy.
