14 jeltoqsanda Esil aýdanynyń aýyldarynyń birinde qaıǵyly oqıǵa boldy. Aýdandyq polısııa bólimine 60 jastaǵy aýyl turǵyny óz basyna oq atyp, sýısıd jasaǵany týraly aqparat kelip túsken. Jedel-tergeý toby aldyn ala anyqtaǵandaı, oqıǵa bolǵan kúni marqum jubaıynyń bas aımaǵyn jaraqattap, ony toqtatpaq bolǵan 20 jastaǵy ulyna dene jaraqatyn salǵan. Oqıǵa týraly polısııaǵa kórshisi habarlaǵan. Ol kýáger bolǵan. Polısııa qyzmetkerleri kelgenge deıin er adam óz-ózine qol jumsap, basyna oq atqan.
Bul faktiler Qazaqstan Respýblıkasy QK-niń QK 24-baby 3-bóligi – 99-baby 1-bóligi boıynsha (Qylmysqa oqtalý jáne adam óltirý) jáne 105-baby 1-bóligi boıynsha (О́zin-ózi óltirýge deıin jetkizý) sotqa deıingi tergep-tekserýlerdiń biryńǵaı tiziliminde tirkelgen. Tergep-tekserý barysynda oq atylǵan tegis uńǵyly ańshylyq myltyqtyń IIO-da tirkelgeni anyqtaldy.
Jubaıynyń aıtýynsha, oqıǵa bolǵan kúni kúıeýi ekeýiniń arasynda eshqandaı janjal bolmaǵan. Qazirgi ýaqytta qylmystyq isti tergeý jalǵasyp, polıseıler er adamdy osy sharasyz qadamǵa ıtermelegen sebepterdi anyqtap jatyr.
