Eńbek daýynyń pátýasy

Birinshi oqylymda depýtat­tar densaýlyq saqtaý máseleleri boıynsha zań jobasyn talqy­laıdy. Tıisti zań jobasynda 2025 jyl­dan bastap medısına qyzmetker­leriniń kásibı jaýapkershiligin saqtandyrýdy engizý kózdeledi, ol densaýlyq saqtaý sýbektisi men medısına qyzmetkeri arasyndaǵy teń úleste júzege asyrylady. Sondaı-aq Qylmystyq kodekske medısına qyzmetkeriniń kásiptik mindetterin tıisinshe oryn­damaǵany úshin aıyppul sanksııasyn jáne jaza merzim­derin azaıtý bóliginde ózgeris engizilý usynylady.

Ekinshi oqylymda depýtattar eńbek daýlary men janjaldaryn sheshý tártibin ońaılatý boıynsha ózgerister engizý týraly zań jobasyn qaraıdy.

Sonymen qatar Májilis turǵyn úı-kommýnaldyq sha­rýa­­­shylyǵy máselesi boıyn­sha Parlament depýtat­tary­­nyń bastamasymen engi­­zil­gen túzetýlerdi de qa­raı­dy. Zań jobasymen jumys bary­synda depýtattar basqarý organdarynyń basqarý nysanyn ózgertý kezinde jı­naq­talǵan aqshany aýdarý mindetin bel­gileýge, parkıng­tiń nemese turaq ornynyń konstrýk­tıvtik bóligi men fýnksıonaldyq maqsatyn ózgertýge tyıym salýǵa jáne basqa da mańyzdy nor­malarǵa baǵyttalǵan to­lyq­tyrýlar men ózgerister en­giz­di.

Sonymen qatar Májiliske bir­qatar ratıfıkasııalyq zań joba­syn qaraý usynyldy. Olar: Eýra­zııalyq ekono­mı­kalyq odaq sheń­berinde medı­sınalyq buıym­dar aına­­ly­synyń biryń­ǵaı qaǵı­dat­tary men qaǵıda­la­ry týraly keli­sim­ge óz­geris en­gizý týraly hat­tamany ra­­tı­fı­ka­sııalaý týraly zań jobalary.

Aldaǵy jalpy otyrysta pa­lata komıteti Qyrǵyz Res­pýb­lı­ka­sy­men shekaralyq ókil­derdiń qyz­met ýchaskeleri týraly hattama­ny ratıfıkasııalaý týraly zań jobasyn jumysqa alýdy kózdep otyr.