Is-sharaǵa Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Bekbolat Baıjanov, Astana qalasynyń Dene shynyqtyrý jáne sport basqarmasynyń basshysy Samat Jylqybaev jáne Parlament Májilisiniń Áleýmettik-mádenı damý komıtetiniń múshesi Álııa Ábsemetova qatysty.
«Tartysty básekede Belarýs, Qyrǵyzstan, Reseı, О́zbekstan, Ázerbaıjan, Rýmynııa, Ekvador jáne Qazaqstan elderiniń palýandary men álem chempıondary baq synady. Atap aıtqanda, 2016 jylǵy álem chempıonatynyń kúmis júldegeri Nurlan Bekjanov, Olımpada jáne álem birinshiliginiń júldegeri Nurıslam Sanaev, MMA sheberi Vasılıı Tahtaı, Tartyl Fest jobasynyń ambassadory Aıtym Jaqypov, akter Asylhan Tólepov jáne t.b. eń myqty sportshylar qatysyp jatyr. Palýandarǵa bıik mansap pen sáttilik tileımin!», dedi qalalyq sport basqarmasynyń basshysy Samat Jylqybaev.
Jarysqa 7 memlekettiń sportshylary men tanymal blogerleri jáne óner juldyzdary qatysty. Olardyń qatarynda Reseı, Ulybrıtanııa, О́zbekstan, Qyrǵyzstan, Rýmynııa, Ekvador, Tájikstan jáne t.b. bar.
«Elordada alǵash ret erkin kúresten halyqaralyq Wrestling stars týrnıri oıdaǵydaı ótti. Kóńil-kúıimiz keremet! Osy sátti paıdalana otyryp, Mádenıet jáne sport mınıstrligine, Astana qalasynyń ákimdigine alǵysymdy bildiremin», dedi joba jetekshisi Dáýren Jabasov.
